Renovamos o selo Calculo e Reduzo

En 2017, Verea conseguiu unha redución do 6,65% das emisións de CO2 ao longo de todo o proceso de fabricación de tellas.

En Verea renovamos, por segundo ano consecutivo, o selo Calculo e Reduzo que outorga o Ministerio de Agricultura, Pesca, Alimentación e Medio Ambiente ( Magrama), en recoñecemento ao esforzo que realizamos para reducir as emisións de CO2 á atmosfera nun 6,65%. Esta cantidade é o dobre do alcanzado na anterior medición do ministerio.

Compromiso de Verea co medio ambiente

Desde o ano 2012, medimos as emisións totais de CO2 por tonelada producida das nosas tellas coa Calculadora de Pegada de Carbono do Magrama. É o que se denomina pegada de alcance 1+2, onde se computan tanto os combustibles fósiles consumidos, gas natural utilizado no proceso de combustión e o gasoil consumido polo transporte, así como a electricidade utilizada no proceso industrial.

Nos últimos anos, en Verea acometemos investimentos por valor de máis de 150.000 euros para executar un plan de redución de emisións directas producidas nos fornos e secaderos, mediante reaprovechamientos enerxéticos e mellora dos illamentos.

Tamén reducimos a cero as emisións de CO2 derivadas da electricidade, mediante un plan de redución de emisións indirectas polo que as dúas liñas de produción só consomen enerxía eléctrica de fontes renovables. A adopción doutras medidas técnicas como a substitución de lámpadas convencionais por lámpadas LED, a compra de variadores de velocidade para motores de gran consumo e a substitución de temporizadores para fotocélulas de activación contribuíron a lograr o obxectivo.

 

Add Your Comment